Dè nonm asiz bò yonn alòt. Yonn wè lòt-la ka gadé tèlman faché i mandé'y, "Sa ki wivé'w kanmawad?"
Nonm-lan wéponn, "Madanm mwen ki fè mwen faché kon sa, fòs i ka manti. I di mwen i té épi sésé'y yè òswè, èk sa pa vwé pyès." "Ki mannyè ou fè sav sa?" "Paskè mwen ki té épi sésé'y yè òswè. "
0 Comments
Ti Johnny wivé lakay li ka gwiyen byen bonnè yon apwémidi. Manman'y té sipwi tèlman lè i wè'y.
"Ki sa ki wivé'w ou witounen otan bonnè jòdi-a?" Manman'y mandé. "Anyen", Ti Johnny wéponn, "Mwen yonn ki té sa wéponn kwèsyon-an titja-a mandé." "Kilès kwèsyon?" "Ki moun ki voyé gwenn pwin-an dèyè titja-a?" 😁😄 An madanm èk misyé té ka dòmi yon swè. Madanm-lan té ka wévé lè sibitman, i lévé ka pléwé. Mawi-a soté èk lévé pou soulajé'y.
Mawi: "Ki sa ki wivé'w?" Madanm: "Mwen té ni a wèv, èk an wèv sala an nonm wich té kidnapé mwen." Mawi: "Pa pléwé doudou. An wèv tousèl ki té la." Madanm: "Mé sé pou sa menm n'a pléwé. 😥😪 Yon bonmaten mwen désidé pou sipwi fanm mwen an twavay. Mwen maché piti dèyè'y èk bo'y asou kou'y. I koumansé wi èk i di, "Pa fè sa Bryan." 😍
Non mwen sé Kelvin. 🤨😐😡 An nonm té adan an rèstoran ka èspéyé manjé'y lè finalman, i wè sèvant-lan ka vini épi pla manjé'y, tout gwo pous li asou vyann-an.
Sa distwé nonm-lan la menm. "Poutji gwo pous ou asou vyann mwen?" Nonm-lan mandé. Sèvant-lan wéponn, "M'a té vlé vyann-an tonbé ankò." An mawi ki té voyajé pou yon simenn witounen lakay li yon swè. I té kontan tèlman pou wè madanm li, i di'y, "M'a sa èspéyé ankò. Mwen anvi'w."
Yo alé la menm an chanm-lan èk koumansé fè vis. Apwé an ti moman, vwazinaj yo koumansé konyen klazon-an fò èk i andjélé, "Las fè tout dézòd sala, tonnè! Toulé swè kon sa, pou sèt jou, zòt ka plen tèt mwen!" Nonm: Ès mwen sa achté an bwè ba ou?
Fanm: Wonm pa bon pou janm mwen. Nonm: Ès janm ou ka anflé? Fanm: Non. Yo ka ouvè. 😁🤣😅 An mawi voyé madanm li an konmisyon yon swè. "Chéwi, mwen bò kontwè-a ka pwan déotwa bwè épi sé kanmawad mwen. Ès ou sa lavé had sal mwen ban mwen souplé, èk pwépawé wipa pwéféwé mwen ban mwen. Mèsi."
Apwé an ti moman, mawi-a voyé an lòt konmisyon: "Doudou, mwen obliyé di'w yo hosé salè mwen. Lè mwa-a bout ng'ay achté an motoka nèf ba ou." Madanm li wéponn imidyètman, "😮😁💃Vwéman?" Mawi-a di, "Non, sa pa vwé. Mwen té annèk vlé wè si ou té jwenn pwèmyé konmisyon mwen."😏 An nonm mennen an fanm lakay li yon swè. Kon yo antwé an chanm-lan nonm-lan annèk tiwé tjilòt li èk i di, "Mwen vlé'w fè konnésans épi ti fwè mwen."
Fanm-lan pwan bous li la menm èk i koumansé kité. "Koté ou ka alé?" Nonm-lan mandé "Lè ti fwè'w vini pli gwan, kwiyé mwen." An nonm pwété lajan hòd an bank pou achté an motoka mé i pa té ka péyé bank-la lajan-an. Bank-la pwan motoka-a an lanmen’y. Lè nonm-lan wè sa i katjilé pou an ti moman èk di an tèt li, “Si mwen té sav sa mwen té kay pwété lajan pou nòs mwen osi.”
|